مەزناهیا شۆرەشا ئیلۆنێ

شۆرەشا ئیلۆنێ بەرێ کوژیێ پرۆژێ نەتەوەی و ئاڤاکرنا کەساتیا تاکێ راستەقینە و خوەرستیێ کوردستانی بوو، ئەو شۆرەشا مەزن ب فکر و فەلسەفە و باکگراوەندێ خوە یێ راستەقینە و سێکوچکا رێبازا پیروز:

١ – نیشتیمانپەروەری

٢ – خوداناسی

٣ – مرۆڤدوستی

یەکەم: مەزنترین شۆرەش بوو د ھەمی دیرۆکا کورد و کوردستانێ دا, مەزن ژوویێ تەمەنێ خوە کو، نێزیکی ١٥ سالان ڤەکێشا (١٩٦١ – ١٩٧٥

دووەم:  مەزن ژ روویێ ئەو قادا بەرفرەھا شۆرەشێ ڤەگرتی کو ژ زاخو  هەتا خانەقینێ و ژ بلی دلسۆزیا کوردێن ھەر چوار پارچەیێن کوردستانێ و پشکداریا وان  د شۆرەشێ دا ب ھەر ئاوایەکی ژ ئاوایان.

سێیەم: مەزن ژ روویێ دەستکەفتێن خوە ڤە کو، ئێکەم جار بوو داگیرکەرەکێ کوردستانێ دانپێبددەت کو ئیراق وەلاتێ کورد و عەرەبا یە و د دەستوورێ بەروەخت دا ھاتە تێکەستکرن، رێکەفتنامەیا ١١ ئادارێ  ھاتە مۆر کرن، جوگرافیا کوردستانێ هاتە دەستنیشانکرن،   ژ قۆناغا دەستپێکرنا خوەندنێ  هەتا زانینگەهێ بوو زمانێ کوردی،  جێگرێ سەرۆکومار کورد،  وەزیرێن کورد و کۆری زانیاری کورد و یەکێتی نوسەرانی کورد و گەلەک دەستکەفتیێن دن.

چوارەم: مەزن  ل گۆر وێ تۆرا بەرفرەھا تێکەلیێن ناڤخوە و هەرێمایەتی و ناڤدەولەتی ھەبن، عصمت شریف وانلی نوونەرێ سەرۆک مصطفی بارزانی بوو ل ئەوۆپایێ و محمد سعید دوسکی ل ئەمریکایێ

.پێنجەم: مەزن کو، مەزنترین رابەرێ  کوردستانێ، رابەرێ ئەڤێ شۆرەشێ بوو ئەو ژی، مصطفی بارزانی، بوو

شەشەم: مەزن تاکو ب وێ پلانا ناڤدەولەتیا کو دژی شۆرەشێ ھاتیە کرن ژی چەند زلھێز و دەولەتێن مەزن پشکدار بوون تاکو شیاین بو کێمتر ژ سالەکێ زەفەرێ ب شۆرەشا ئیلۆنێ ببەن.

ل بیرەوەریا پر شکۆیا شۆرەشا ١١ ئیلونا مەزن سلاڤ ل رابەرێ شورەشێ مەلا مصطفی بارزانی یێ نەمر و سلاڤ ل وی چیایێ ل پشت سەرۆک بارزانی چوویی، کاک ئیدریسێ ھەمیشە ل یاد، سلاڤ ل ھەموو شەھیدێن کورد و کوردستانێ، ھەرێ بەرز و بلند بیت ئالایێ کوردستانێ ب رابەریا سەرۆکێ خوەشتڤی کاک مسعود بارزانی

حەسەن نوری

دهۆک/٢٠٢٣/٩/٩