شۆرەشا ئیلۆنێ مەزنترین و بهێزترین شۆرەشا کوردان

١١ێ ئیلۆنا  سالا ۱۹٦۱ێ شۆرەشەکا سەرتاسەری دەست پێکر، ملەتێ کورد ژ هەموو تەخ و چین و ئاین و پێکهاتەیان، ب سەرۆکاتیا گەنەرال مستەفا بارزانی شەر بۆ بدەستڤەئینانا مافێ گەلێ کوردستانێ کر،  رێکەفتنا ۱۱ێ ئادارا ۱۹۷۰ ئێک ژ بەرهەمێن شۆرەشا ئیلۆنێ بوو کو رژێما بەعس نەچار کر دانپێدانێ (ئیعترافێ) ب مافێ گەلێ کورد بکەت.

  دەستکەفتیێن ئەڤرو، یازادییا ئەم نۆکە تێدا دژین بەرهەمێ خەباتا وان روژا یە، سەربەرزی و نەمرى بۆ شەهيدێن شۆرەشا ئیلۆنێ.

 د رۆژەکا وەکی ئەڤرۆ دا (٢٠٢٣/٩/١١)ێ، سەرەرای وان نەخوشی و ئاوارەبوون و نەهامەتێن دژۆار کەتینە بەرامبەر ئێرادا گەلێ کورد، تایبەت پێشمەرگێن کوردان یێن وی سەردەمی بهێز و هەبوون و خەباتا دوور و درێژ ل ناڤ چیا و دول و نهال و شکەفتنان دا ب زکەکێ برسی  هەتا کو کوردستان گەهاندییە ڤێ رۆژا ئارام و ئاڤەدان،  ب ئیرادەیا گەلێ کورد و ب رێبەراتیا بارزانی یێ مەزن شۆرەش کر.

 گەنەرال مستەفا بارزانی مەزنترین و پر جەماوەرترین شۆرەشا نشتیمانی و نەتەوەیی د مێژوویا کوردستانێ دا هەلکر و ئەڤ شۆرەشە ب دەسپێکا قۆنەغەکا نوو و گەش یاخەباتا گەلێ مە دهێتە هژمارتن کو هەر ژ باژێرێ زاخۆ بگرە تاکۆ دگەهت خانەقین ڤەگرت.  

شۆرەشا ئیلۆنێ د دەمەکێ کورت دا شیا خوە ب چەسپینین دگەل هەموو کاودانان و رێزێن خۆە رێک بێخیت و هەموو پێکهاتەیێن کوردستانێ، بێ فەرق وجوداهی، کوم و هەمبێز بکەت و بەرگێرییێ ژ ماف و هەبوونا مللەتێ مە بکەت.

 ل یادا شۆرەشا ئیلۆنا مەزن، رێزگرتن بۆ هەموو قارەمانێن کوردایەتی هەلبژارتی، بەرژەوەندیا کوردستانێ ل سەر بەرژەوەندیێن کەسی و حزبی ئێخستی و تاكه‌ رێک بۆ ئێکگرتن و خۆشگوزه‌رانی و پێشكەفتنا کوردان بەرامبەری حکومەتا ئیراقێ بهێزبوونا پارتێن هه‌رێمی كوردستانێ یە، ئەو ژی ب لێكتێگه‌هشتن و ئاشتی و پێكڤەژیانەکا دروستە، پێدڤییه‌ ئیراق ده‌ستوورێ بكەت دیدەڤان سەر ڤێ چەندێ، ئه‌و عێراقا ل سالا ۲۰۰۳ رژێما بەعس هاتیە رۆخاندن و گەهاندیە بێئومێدیا ئەڤرۆ. دیسان كارکرنا لایەنێن کوردی پێكڤە د ناڤ مالیا كوردستانێ دا، فەرە ئه‌زموونا ژ رابردووی وەگرن ئەڤا هاتیە سه‌لماندن، چونکە تاکە رێکە بۆ بدەستڤەئینانا مافێن خه‌لكیێ كوردستانێ.

 پیرۆزبت ٦۲ سالیا بیرەوەریا شورەشا ئیلۆنێ و سلاڤ ل روحا بارزانی یێ نه‌مر سەرکردەیێ كورد و شۆرەشا مه‌زن یا ئیلۆنێ و کاک ئیدریسێ هەمیشە زیندی و سڵاڤ ل روحا شەهیدێن شۆرەشا ئیلۆن و گشت شه‌هیدێن كوردستانێ 

 مووسا خالد- دهۆک